同事Cathy,Annie ,Carmen會一起去台灣~!好開心呀!期待…..期待…接著都是期待.還記得第一次去台灣,是和我第二個男朋友亞良去,那時剛有第三者…我個心諗番起都有d唔開心,或者真係性格不合,但我仍覺得佢人品good!:(所以我其實想去上海多d,起碼唔洗去重覆地方先…我還有好多地方未去過,都好想去,韓國,泰國,日本等等….都好想去…
我去過大約兩次北京(同爸爸,妹妹及陳uncle去),計埋今次兩次台灣,一次瀋陽(同明愛同學去交流團),一次馬尼拉(同香港基督教會去),一次夏門(同亞詩及佢爸媽去),好似冇喇!其實我香港咁細都未行得哂!有時諗我唔知可唔可以去哂?!點解香港咁細,我都未去哂,便諗住去全世界呢!
我又記得以前中學時期,有個Miss佢話比我知佢差不多去哂全世界,仲話世界好細…我覺得如果我可以好似佢咁有錢,都會周圍去….可惜我冇錢…自己好窮…只可以去d比較消費指數低的地方,去迪士尼都會覺得肉庝的我,唔知點樣可以完成我e個環遊全世界的願望呢?
e家我的人生好似係個問話符號咁….疑惑….疑惑…之後都係接著疑惑….
亞良昨晚休息,我們去左blue cafe飲咖啡,傾左e幾個月冇見,發生左的野…佢仍然好多同事打電話比佢,佢仍然係好nice…之後我便去公司春茗,我win左現金獎880元,好開心,即時打電話比亞良,等佢鄧我開心下…我諗左好奈,我地有冇機會呢?
神的道是活潑的，是有功效的，比一切兩刃的劍更快，甚至魂與靈，骨節與骨髓，都能刺入、剖開，連心中的思念和主意都能辨明。希伯來書4章12節
我在前幾天(星期日)我將”主若是”的 so fa name於每段用excel打了,更send了email比粉嶺浸信會聖樂部午堂詩班的每一個成員,得到佢地的道謝…第一個係為成,第二個是部長小羊羊,第三個係住係一個屋苑的Vivian.希望我常為主作功!以平常心,不須望回報!
星期日收到楊永新電話….傾下傾下,傾到我最唔開心的感情事上面….他feel到我仍不捨得我男朋友…唉~!我真係唔知點算好~以下是最好的見議:
1.)打電話比佢問佢近排點呀?公司請唔請人?
2.)話公司出左bonus請飲野.
3.)同佢行下街(2至3次)
______________________________________________________________________
其實我地初頭有好的互相溝通與暸解對方,這個行徑是個不錯的開始,但因彼此坦白和動力不足,導致影響了我們的關係,說要互相坦白多些溝通,作檢討的是我,但在最尾開始懶惰,開始不守规則亦是我,好對不起,希望我們仍有互相暸解,放膽去講出對方要改善的或欣賞的,希望我們之間仍可彼此聯繫著,他對我不論什麼時候都很無微不至,令我有些慚愧~!我還記得他對我說過,無論怎樣他都會好鍚我.希望我今次真的可以有珍惜他的機會.
我去咗大陸芳村探亞爺,返咗香港之後便再去惠州玩,去咗三日兩夜,玩了繩索,睇咗好多風景,影咗好多相等等…
笑死人~我竟然可以這樣說出口….千層塔….去形容屋企爸媽間房見到那座很高的建築物….Cathy話咁唔洗去雲頂…攪到大家哈哈大笑…之後Cathy問會所設施是否不可供應給外人…之後Annie問道說什麼”愛人”…Carman話要記低今日的笑話…對不起,日記,是這樣我才想起寫下哦…~!
昨晚差不多12:00我關了機,朝早聽到佢的留言,8:30打電話比佢,無人聽,之後差不多2:00打電話比佢,佢竟然話無打電話比我….真奇怪~!
昨天是Josphen同Corrie的生日(前老板及老板娘),自從佢地無係果度做野之後,都無聯絡佢地了…好小有兩公婆同月同日生日,佢地係我認識的第一對.
昨晚為補祝傑哥27號的生日,我地去左旺角pizza hut,約左7:30但下午已經full哂booking,so我早左好多去等位,差不多6:45去到.嘩~!去到先知還有廿幾張先到我,等到8:00先有得入去坐,還只得half an hour食咋~好似食自助餐咁~不過其實都好夠時間,我地總共有6人,主角傑哥,大表妹,大表妹男朋友,細表妹同表弟,我地傾得好開心,好多計傾,話題包括親戚,朋友,新聞,大表妹學到的知識(佢好pro.)我地食完飯埋單,應該唔計傑哥,每人61元,但好豪的大表妹男朋友出哂305元,影真闊綽.
我地又去左好似叫Cos的咖啡室飲野,表弟個女朋友來到我地當中同傑哥道聲”生日快樂”,有一班剛離開的女仕上來話唔見左手機,話熄左機又話自己的號碼唔記得左,始終找不到.我叫左杯metho味的果仁飲品,拍照留念,本身走左的細表妹又再次比我地呼喚返來,哈哈~!我地玩左飛行棋,竹籤同啤牌(表弟女朋友帶來的…返工玩接龍~!?=.=”)傑哥擇骰唔見左兩次粒骰囉~玩啤牌又唔見牌(梅花8),找到我地死死下,怎料找到粒骰仔.=.=”(傑哥,你做咩呀?~)比錢那刻又攪到亂哂,又要扮哂豪…(唉~傑哥~你攪邊科呀~!)
最尾又係得大表妹男朋友比錢,傑哥都出左錢.最後我地各自各走人,我同表弟及佢女朋友一起乘火車走人,細表妹一早飲完杯西瓜沙冰已經走左,大表妹同佢男朋友因要睇狗狗係咪sick便急急地走人,傑哥便自己去乖巴士返家.今晚真的很盡興…之後我返到屋企打比大表妹問侯她及她的愛犬的安,才放心睡覺,但怎料,已經1時十幾分都睡不了,心想東想西,想下1月3日Emily生日送咩比佢,又諗下其他,咁樣…咁樣…便是這樣先…睡..了…
今晚會去娥姐家打邊爐~feel free啦~!約左4點集合買野的人於上水火車站等哦~
 | |
 | |
(0)
