當天大約有13人,我地係Neway City 同表弟慶祝生日,佢12月12日生日架,所以12:00先食蛋糕,有一個男仔叫我玩多陣,我話聽朝要早起身,佢問我叫他起身得唔得=.=”我同佢講”我唔啱你架,之後我坐多一陣,因為要等12:00食蛋糕,佢見我未走便話”你化我呀?”我話”唔係,只係要等12:00食蛋糕”佢話”玩多陣啦!”我話”下次有機會先”佢話”我好小來這樣的活動”我回答說”咁未仲好”haha我都覺得我答得好正.
傑哥,詠榆,詠琳都有去,我好久無見細表妹了,當天佢喉嚨painful,但唱歌依然咁好聽.亞楚都有來,扒地好遲先來,亞楚一個人玩自閉,我同佢講一句,佢答一句,問佢飲唔飲,佢又話唔飲,問佢食唔食野又唔食.之後我見亞東個女友一個人咁悶,同佢玩”識”盎,佢有點似細表妹的純樸板,但係佢係吸煙的=.=”
表弟在一個月之前係機鋪玩打鼔機識左2個住粉嶺1個住上水的朋友,那天我認識了他們,一起乘小巴返家,在途中有傾有講都算幾開心.
今朝無時間上yahoo睇新聞,有很多Sandy的東西要影,很多零碎的東西,成個早上都好忙.Lunch叫左元祿壽司,每人40元正,不過都唔係好夠喉=.=”
唉~比銀行扣左成幾百元,話我張卡壞又話我拿錢那時用左咩咩國際,每次拿錢都會扣我25元,要我再申請過,又要請假去攪卡,要扣人工喇~宜家都唔知請邊日好,如果唔攪掂佢,真係唔洗再用錢了…真係大意~自己真係….唉~真係糊塗…點樣可以變,我睇都變唔到架喇…哈哈!算啦!
我拿左張烘燶麵包的卡出來比亞Ray,亞Kat簽名,當然是不可讓Cathy知啦!Peony寫祝佢早日找到男朋友,Leda寫哈哈兩個字(攪笑)有一個寫快高長大…=.=”呵呵!!!
唔知到時佢收到反應如何呢!?~
今朝係OK便利店見到一個背影好似Carman的人,返到公司問佢原來真係佢.未返到公司前有一個約廿幾歲的男人,我行佢後面,佢轉咗兩次身望我行緊既方向,當時都覺得佢有D野,行行下先知佢同我一座公司工作,佢只係企我前面,佢等升降機之際,佢又轉頭望住我,仲望住我個方向點頭微笑,佢見我冇反應,佢有點尷尬,我便當佢望住後面D人打招呼咁,冇踩佢囉!我心諗我之前都未見過佢,佢應該唔係叫我掛~好彩剛有兩部升降機,我見佢行去右邊那部,我便急急腳走入去左邊那部升降機.
返到公司見到Carman返來,問完OK便利店的背影是否是她後,我急急的又到Acoount房同佢講我見到個怪男仔的事,亞蓮姐都係Account,所以佢都知,之後蓮姐因為好忙出左去離開左Account房,我講完之後去咗廚房仔,蓮姐拿住要清潔的杯入來廚房仔,佢同我講”嚇死你囉~而家好多傻佬,有D撞你,有D嚇你…我覺得e邊最多傻佬”我便繼續將我的事情再引述多一遍,將我怪怪的感覺發洩出.
我同亞Kris講,佢話我諗得太多,最驚係佢話自己都係傻,我答佢:我都知道,你係傻”.之後我同Cathy講,佢話係咪個男仔睇中我,我話我都未見過個男仔,佢有可能係傻…不過我都有同蓮姐講,如果佢係外國人,我或者會冇咁驚,因為佢地係熱情D架…
今日我唔知算唔算係將小事變大事呢?
好攪笑,那個資客同我地講3條D(锄大D個D)哈哈!222咁解…佢緊係成日玩鋤大D…咁佢手牌都非常勁,3隻大野喎!~我地飲茶人馬有亞Ray,Emily,Cathy,Kris,Carman,Annie,Jaco一起去左飲茶,還有Kat,Leda,Mandy,Peony,Judian但佢地不同枱,當慶祝我的生日,大家一起碰杯,有個同事明天生日,都有同佢慶祝喎!!都算係咁喇!昨天早上收左Ziki送的磁石廸士尼公仔,詩歌班收到一張生日卡同海灘筆筒,12:05同12:06收到亞良send比我的message”生日快樂!”今朝見枱面有一張爸爸同媽咪送比我的生日卡,同Betty粉紅色銀包,Cathy一朝早見到我便對我講”生日快樂!”佢送左一支有顏色的潤唇膏比我…Mandy今朝走過來,好甜咁問我係咪今日生日,我答係又問佢係邊個講架之後,佢同我祝賀”祝妳愈來愈靓!生日快樂!”我初初諗係Cathy講比佢知….但Cathy佢話唔係佢喎…佢話可能係d阿姐掛…(唔係佢,有可能係亞Kris),剛剛Alice問我今日係正日嗎,我話係之後,佢便同我展示笑容道”生日快樂!”,唔理邊個傳出去都唔緊要啦!真係多謝哂大家!
剛剛收到一件貨,有我地公司地址,內線電話,內線電話的員工名稱,我便蓋了印,怎料,開了那包東西,那間公司是沒有與我們合作的,老闆個細仔知道,叫我已經有經驗,要我小心d,好彩係咁多野講….冇罵到我:p我要下次再小心一點了:p….好彩今次冇話要收$,唔係便大大獲衰多次:p,佢地未叫我回返速遞比佢地公司囉!哎~真係要小心d啦…下次…以後…呀~應該冇下次先係
今日Cathy同我講11月28日星期一唔好帶飯,我話唔洗喇!佢話緊係要啦!我覺得好開心同感動,雖然冇問到有幾多人去,但仍感激Cathy的一番心意喇!我想那天整d野食比d同我慶祝的人,當然諗住先啦!
其實e間公司做野係好開心的~多謝哂!
 | |
 | |
(0)
