|
多謝神!今日賜給我有今天需要的智慧同今天的感動,今天我與粉嶺浸信會Ziki各自分享見證,今天聽的分享真的令我流了很多的眼淚,再次地我感受到神的恩賜,見到別人分享生命的難處,為神付出的一切,給神使用,當中雖然辛苦,但很真實地得到友誼,不論是與神或與人,都像得到心靈上的戰友支持同關愛.感謝神!今天給我領受到的所有所有…. 4:30完左迎新分享會之後,同Ziki一起到大尾篤BBQ.我做聯絡嫁…成員有:我同教友Ziki Cheung,賴雪玲(都係基督徒來的),白宇峰同佢教友,潘雪芬,李向榮,Ear Wong,葉小廸同佢朋友Peter,蔡奇波同女朋友,李慧敏,駱嘉琪,曾慶康,柱海倫,陳祖兒有16個人呀~不過今次見唔到去左foreign好奈的白宇峰…同佢那個係foreign出生的香港人呀~!不過我地下次都有機會再見的…(在天堂都可再見~~)haha! 今日好充實又感恩~真的又要講多聲”感謝主!天上的爸爸多謝!” |
(1)好奈無寫你(日記)喇~你梗係嬲我:)haha!
前天同爸爸及細妹去冒險樂園玩,win左好多野,真係好開心!有一隻大公仔,兩隻細Hello Kitty細公仔，還有包小食，還有好多票呀！
昨天便返教會，之後唱詩，差不多三點先食野，不過大家都好開心！晚上同屋企人叫仙桃園食，我竟然成盒飯食得哂喎！（犀利）
今日開始連續幾日屋企由（開始唔記得係咪）９：００－５：３０冇電，好彩我要返工，唔係成日係街度，要諗去邊都幾煩．．．
要做個開心人～每日都有神保守～好平安哦～！
每早6:25手提的morning call又響了,真的不願起床呀!壓力好似好大咁~每日都訓多差不多5分先願起床.第一件事我要做係打開神的話語(即係聖經)我今日睇申命記第廿幾章了,希望自己能夠唔好3分鐘熱度啦!(我希望自己能看完成本聖經一次)
今日照常乘坐7:15開出的村巴,但今天較塞車,比起平時遲左好多先返到公司,但沒有遲到. 我一向都很早返到公司,唔係因為公司比好多野我做,係因為由粉嶺到荔枝角的村巴,只有一架,若我不乘的話,我要轉2程車,座3種交通工具才到公司(又無得訓又有可能無得座),所以我平時大約8:15便會回到公司,一邊看網上新聞一邊食早餐(通常係麥皮),食完做野喇!
午餐時我叫了飯,竟成粒鐘先到,haha!真攪鬼….
| 1
