I love you

            昨晚為補祝傑哥27號的生日,我地去左旺角pizza hut,約左7:30但下午已經full哂booking,so我早左好多去等位,差不多6:45去到.嘩~!去到先知還有廿幾張先到我,等到8:00先有得入去坐,還只得half an hour食咋~好似食自助餐咁~不過其實都好夠時間,我地總共有6人,主角傑哥,大表妹,大表妹男朋友,細表妹同表弟,我地傾得好開心,好多計傾,話題包括親戚,朋友,新聞,大表妹學到的知識(佢好pro.)我地食完飯埋單,應該唔計傑哥,每人61元,但好豪的大表妹男朋友出哂305元,影真闊綽.

           我地又去左好似叫Cos的咖啡室飲野,表弟個女朋友來到我地當中同傑哥道聲”生日快樂”,有一班剛離開的女仕上來話唔見左手機,話熄左機又話自己的號碼唔記得左,始終找不到.我叫左杯metho味的果仁飲品,拍照留念,本身走左的細表妹又再次比我地呼喚返來,哈哈~!我地玩左飛行棋,竹籤同啤牌(表弟女朋友帶來的…返工玩接龍~!?=.=”)傑哥擇骰唔見左兩次粒骰囉~玩啤牌又唔見牌(梅花8),找到我地死死下,怎料找到粒骰仔.=.=”(傑哥,你做咩呀?~)比錢那刻又攪到亂哂,又要扮哂豪…(唉~傑哥~你攪邊科呀~!)

            最尾又係得大表妹男朋友比錢,傑哥都出左錢.最後我地各自各走人,我同表弟及佢女朋友一起乘火車走人,細表妹一早飲完杯西瓜沙冰已經走左,大表妹同佢男朋友因要睇狗狗係咪sick便急急地走人,傑哥便自己去乖巴士返家.今晚真的很盡興…之後我返到屋企打比大表妹問侯她及她的愛犬的安,才放心睡覺,但怎料,已經1時十幾分都睡不了,心想東想西,想下1月3日Emily生日送咩比佢,又諗下其他,咁樣…咁樣…便是這樣先…睡..了…

            今晚會去娥姐家打邊爐~feel free啦~!約左4點集合買野的人於上水火車站等哦~

          

          這兩日假期,真的比我休息夠喇~!冇去尖咀睇燈飾,都冇同家人食聖誕節大餐,但都好開心,星期六在公司食完大食會,去左沙田同亞婆,舅公,二舅父,鄭老師,爸爸同媽咪飲茶,大家有傾有講好開心,亞婆送左d零食給我同細妹,當然我會預埋爸爸同媽媽啦!

          食完飯,二舅父送鄭老師返沙田的家,送我返粉嶺,之後還送舅公返上水,爸爸同媽咪有公事做,之後走左喇~

          星期日當然返左教會喇~!又睇左浸禮,好感動的哦~我只睇到小小咋~我坐個位睇唔到,所以最後要行去後排及要站係到,才見到…點知原來見到那個已經係最後那個,全部有21人受浸,好多呀~佢地穿上黑色的衣服,第一次係浸信會睇受浸~

           唔知我幾時浸得呢~!?

            昨天公司請食飯,去潮濠城擺3圍.12:30我地已經出發,孝哥坐reception位,上網,helphelp忙,佢次次都唔去食架,佢又e排牙肉發炎,冇胃口….

           昨晚基uncle來了與我們共同晚餐,去了海聯,8:26分先有位,我地預約左8:00,遲左好多,我地共有8個人,叫左個988元的6至8人套餐,全部野食都食清哂,紅豆沙例外,我那碗都只係食左一淡,唔係唔好食,只係uncle拿比我時,佢隻手high到d糖水,又唔好意思唔食so食左一淡law.

           今日會提早一日同Cathy慶祝生日,因為明天公司可能會食冬至飯.Cathy同我講飲茶好貴,我無答佢d咩,只係諗緊究竟佢知唔知我地同佢慶祝.新星便宜些,但full哂,book左好彩,貴小小.不過明天才送禮物比佢(係helloｋｉｔｔｙ蛋糕仔ｍｅｏｍｏ夾），唔知佢ｌｉｋｅ唔ｌｉｋｅ呢？

              昨晚我專登去星展櫃員機銀行攞錢,點知都話要交國際交易費25蚊(激死)~!我決定當時諗咁啱之後那天係星期六,不如請假half day去辦手續啦!打電話比CATHY話比佢知,明天唔返要攪卡,叫佢HELP我負責我的東西.但同屋企人傾傾下,我開卡的星展係旺角,SO我會係星期一LUNCH段時間去辦手續,希望那天唔多人啦!

             今朝CATHY返到公司,很出奇見到我…HEHE~!行程取消

            昨晚去旺角打邊爐的時候,係地鐵站見到account部.我地去左Kris介紹的”點心”我地去到兆萬,找到一間叫”雲來點心火鍋”原來只可以食2個鐘頭,飲品15元一搾,10元2支汽水=.=”   昨晚到的有蔡奇波(同學及當晚興起者),潘雪芬(同學及好朋友),李向榮(同級同學),曾慶康(同學及好兄弟),陳祖怡(同學及當晚問iq問題者),張慧湘(同事),柱海倫(同級同學)以及一個佢地覺得同我好似樣的男仔(失散多年的假細佬),我唔識佢的….佢當晚冇去食飯…我覺得我同佢好唔似樣law~(亞芬都話唔似)

           昨晚陳祖怡問左我地一條問題:有一個老師體訓3位同學,佢地名字分別係TOM,DAVID同JOHN,其中有一個告發左比校長知,老師估到佢係邊個,咁佢會係邊個呢?當亞芬諗到答案時她大聲喊出來(但個答案係錯的)比祖怡哥指住她話”你真係….(我地以為係讚佢聰明)…好低B….不過我覺得妳幾有創意”我地全場捧腹大笑…大笑…笑到抽哂筋咁…現在諗起都覺好攪笑…不過祖怡真係講野好HURT人,佢走那時對亞芬講對不起(但之後加多左一句係)不過事實係(低B)…

            佢地之後去左7仔買野飲,之後蔡奇波一貫風格即時去機鋪打機,陳祖怡佢行到男裝部附近,叫我地各有各行,佢講左一句”我地行住先啦!”(但手指係指住我們3個女仔)佢真係講我地LAW,(我冇打錯字)行到去潮流特區,佢地又話”我地去樓下男裝部”(機鋪)=.=”,我地3個行左一陣樓上的鋪頭便走喇~本身康哥問我們去唔去機鋪找他們,之後問我點解唔同失散多年的細佬擁抱下先=.=”康仔真係攪笑…11:00啦怕夜又倦所以唔去機鋪LU….亞芬同CATHY一起去地鐵站,我一個人行去乘火車,返到去都12:00law

             昨晚開心指數唔差 但今朝真係慘,得罪左個亞姐,我洗杯那時,個亞姐CARSUN要洗野,我便快手洗完,再盛D熱水沖下隻杯,我都未得,佢便急急的放下她的要洗的碗,我倒左熱水在她的碗上,佢便姨姨餓餓細聲咁話我”都冇譜”我諗佢係話我…都覺得唔係太喏,但冇同佢SAY SORRY….下午會出去食LUNCH都未諗去邊食….

             我傳左張paper比CATHY:你之前講” 我諗佢睇我唔到”哈哈!佢真係睇你唔到袖驚!佢回返比我:唔使驚,我有”下爬”架而家好似作英文信,慢慢諗,又驚SEND錯.好開心,可以同CATHY做到同事,真係好開心,希望佢開開心心過日子啦!

 剛上網見到一個game叫”自大狂”好攪笑有格言            

自大狂格言：
「 食得就食
食完會肥
肥左要減
減完再食
食得就食
食完會肥
……..
……..
﹝下刪無數字﹞
」

            

              4:07分剛上網先睇報紙,平時一早睇哂,今日唔記得左睇,見到一段好好笑的新聞: ~有愛美的女士原本打算敷完美白面膜後，以容光換發姿態去卡拉OK消遣，但面部竟然「發青光」，既嚇人，又換來一身尷尬，原來「罪魁禍首」源自面膜的熒光物料

好喇~開估講答案……….係亞TOM,有冇聽過”tom”告老師(湯告魯斯)

               

           

 

          Cathy媽咪去左上海玩,我叫埋佢去打邊爐,好開心可以同埋佢食野,之前都擔心她會洗太多錢都想叫佢唔好去,因為佢很快便生日,佢媽咪比左封紅封包給她,佢話不會唔夠錢洗,咁我都安落些hoho~!

          本身亞芬約我昨晚打邊爐,但我同同事唱k,所以唔去得,佢便約左今日.佢地成日臨時臨急,即日通知 =.=”今晚都唔知約去邊,時間都未知…hoho~!